Stichting Expertisecenter Onderwijszorg Bonaire (EOZ) ta buska:
UN TRAHADÓ SOSIAL ESKOLAR KU EKSPERENSIA
EOZ ta duna sosten i guia na alumno i studiante ku ta enfrentá problema den desaroyo i enseñansa pa motibu di problema ku siñamentu, komportashon, sosial- emoshonal i/òf personal. Na EOZ tin diferente spesialista ta traha den un tim multidisiplinario. E trabou di EOZ ta den skolnan primario i sekundario, “Sociale Kanstraject Jongeren” (FORMA) i MBO na Boneiru.
Responsabilidatnan
E trahadó sosial ta enkargá ku guia sosial emoshonal di alumno i studiante i tambe ta sostené i guia mayor, dosente, guiadó interno i kordinadó di guia pa ku aserkamentu di problema sosial emoshonal di alumno i studiante. Tambe e trahadó sosial ta mantené kontakto ku instansianan konserní.
Eksigensianan di funshon
- Diploma HBO relevante i mínimo 3 aña di eksperensia;
- Dominio di Papiamentu i Hulandes por eskrito i verbal;
- Konosementu di método i téknika di yudansa profeshonal;
- Konosementu di karchi sosial di Boneiru i posibilidatnan di yudansa na Boneiru.
Kompetensia
E trahadó sosial eskolar ta tuma inisiativa, por resolvé problema, tin empatia, ta traha dirigí riba kliente, ta un “teamplayer”, ta flèksibel i tin abilidat di plania i organisá.
Por manda karta di solisitut dirigí na sra. A. Hansen, direktor di EOZ: info@eoz-bonaire.org
Por reakshoná te ku 19 febrüari 2021