Redaktor Online

RetKaribense.com ta un plataforma periodístiko online ku fókùs riba relatonan karibense i notisia tokante di esaki. Ku un ret di periodista lokal e plataforma ta sigui e desaroyonan na Aruba, Kòrsou, Sint Maarten, Boneiru, Sint Eustatius i Saba i e komunidat karibense na Hulanda. Tambe nos ta sigui e tumamentu di desishon polítiko na Den Haag, ku tin konsekuensha pa e komunidat karibense.

Journex BV ta e kas di produkshon riba Kòrsou ku bou di òrdu di emisora públiko hulandes NTR ta pèrkurá pa e parti karibense di e wèpsait di notisia di RetKaribense.com.

Journex di NTR a haña un kontribushon pa e lugá pa haña eksperensia di trabou pa un hende ku a kaba di studia òf ku ta kuminsá traha atrobe, ku ke bai kuminsá traha na Boneiru den periodismo. E intenshon di e lugá di trabou pagá ta di ta un proyekto temporal pa haña eksperensia di trabou.

E kandidato mester dominá hulandes i papiamentu. Durante e trayekto e kandidato ta haña eksperensia di trabou den un konteksto periodístiko i e lo haña guia intensivo di periodista eksperensiá durante 6 luna.

Journex BV pa Ret Karibense ta buska mas pronto posibel un kandidato pa un lugá pa haña eksperensia di trabou na Boneiru:

 

Redaktor Online (h/m)

 

E trabou:

  • Bo ta pensa i selektá huntu ku e otro miembronan di redakshon tópikonan relevante pa reportá riba e plataforma online di Ret Karibense.
  • Bo ta buska i entrevistá fuentenan i kontaktonan pa publikashon.
  • Bo ta yuda lanta i sostené e komunidat di énternèt, bo ta mantené retnan sosial tantu físikamente komo riba énternèt.
  • Bo ta skibi notisia i notisiero i bo ta kontestá e-mail.
  • Bo ta graba vidio i oudio pa e plataforma.
  • Bo ta partisipá aktivamente na e reunionnan di redakshon i bo ta duna input pa lanta, renobá i sigui desaroyá Ret Karibense.

Eksigensianan pa e funshon:

  • Bo ta kuminsá traha atrobe òf bo a kaba di studia òf bo ta nobo riba islanan karibense i gustosamente bo ke traha den media.
  • Bo ta skibi i papia hulandes i papiamentu bon.
  • Bo nivel di traha i pensa preferiblemente ta nivel hbo.
  • Bo tin algun eksperensia kaba den media (esaki por ta stazje tambe).
  • Bo tin un ret den komunidat karibense.
  • Bo ta proaktivo, kreativo, independiente i sosial.
  • Bon tin bon abilidat komunikativo.

Kondishonnan laboral:

E kandidato lo bai traha pa Journex BV, pero lo stashoná na Boneiru. Nos ta ofresé na promé instansha un akuerdo laboral pa 6 luna. E salario ta Nafl 2.750 bruto pa luna.

Pa mas informashon tokante e funshon aki bo por tuma kontakto ku Jean Mentens na Journex: jean@journex.info òf via app na +5999 6900919.

Bo reakshon: Bo ta entusiasmá i bo ta kumpli ku e kriterionan menshoná? E ora ei promé ku 30 di novèmber 2019 manda un e-mail pa Jean Mentens: jean@journex.info.

E kombersashonnan di selekshon lo tuma lugá for di 1 di desèmber. Un tèst na Papiamentu i na Hulandes lo forma parti di e prosedura di selekshon.

Leave a Reply

Your email address will not be published. Required fields are marked *